Тамыз айының 14 жұлдызында сағат 10.00 -де Алматы облысының Ақсу аудаңына қарасты Қызылағаш ауылының мектебі мен бала-бақшасында көгалдандыру жұмыстары жүргізілді. Шараны ұйымдастырушылар: «Гүлстан» ғылыми-танымдық журналы, «Гүлзар» қоғамдық бірлестігі. Құрметті көпшілік, ардақты ағайын! Қазақ жеріне ғасырлар бойы талай ауыр күндер түсіп, қиын-қыстау замантар өтті. Өкінішке орай баршамызға аян болып отырған Ақсу ауданына қарасты Қызылағаш ауылындағы қазалы оқиға тарихымыздың беттеріне мәңгі ұмтылмастай жазылды. Осындай кездері түгел халық бірігіп, елім, жерім деп бауырластық таңытып, көмекке шықты. Мемлекетіміздің тарапынан көрсетіліп жатқан көмек те аз емес. Үйлер жаңадан салынып, өмір қайта жандана бастады. Алайда Қызылағаштын қайта жандануына қарамастан, сол қаралы күндері құрбан болған адам өмірлерін қайтару мүмкін емес. Қызылағаш ауылының І. Жаңсүгіров атындағы орта мектебі мен бала-бақшасына еліміздегі көгалдандыру саласындағы «Гүлстан» журналының ұжымы атынан 2,683 миллион теңге қаражатқа өсімдіктер, «Гүлстан» журналының 700 данасы сыйға тартылмақ. Аталған мектепте 359 оқушы оқытылып, бала-бақшасы 120 баланы қамтиды. Мектеп және бала-бақша ауласына отырғызылатын ағаштар мен гүлдер(саябақ) Қызылағашта болған апат кезінде құрбан болған адамдардың құрметіне отырғызылады.
Республикалық «Гүлстан» ғылыми-танымдық журналының бас редакторы Гөзел Құлжабаева елімізге және халқымызға қызмет жасауда. Соңғы бес жыл көлемінде еліміздегі көгалдандыру саласындағы тұңғыш ғылыми-танымдық «Гүлстан» журналы шығарылып, қоғамды табиғатқа жақындатып келеді. «Гүлстан» журналының редакциясы орналасқан тамаша жарты гектарлық көгалдандырылған жер – бұл келешекте мемлекет көлемінде болатын ланшафтық дизайнның үлгісі десек болар. Гүлстан гүл бағына 2007 жылы – 3000, 2008 жылы – 6000, 2009 жылы – 10000 адам келген болатын. Сонымен қатар елімізде көгалдану саласының дамуына қажетті мамандардың жетіспеуі. Гүлстанның қызметінің бір аясы: жастарды тапшы гүл мамандығына бағыттау, мектептер мен бала-бақшаларды көгалдандіру. Жәнеде еліміздің барлық аймақтарында өсімдік жамылғысын қалыптастырып, халқымыз демалатын орындардың табиғи сапасын арттыру да Гүлстанның шындыққа айналып бара жатқан арманы.
Гүлстанның басты ұрандары:«Әр ауланың гүлденгені мемлекеттің гүлденгені»,«Көгалдандыру баршамызға ортақ іс».
Құрметті әріптестер, бұқаралық ақпарат құралдары және барша қоғам!!! Сіздерден жоғарыда аталған шараның ақпараттық қолдауын ұйымдастыруда көмек сұраймыз. Бұл акция Қызылағаш ауылын қалпына келтіруге және жан-жақты дамытуға өз үлесін тигізеді деген сенімдеміз. Барлықтарыңызды азаматтық борышымызды өтеуге шақырамыз. Елмен бірге Қызылағаштықтарға көмектесейік.
07.08.2010
Гулстан редакциясының және Гүлзар қоғамдық бірлестігінің байланыс телефондары:
8-(727)-279-10-79, 8-(727)-279-15-36
Ұялы телефондар: 8-701-784-17-14 Қабдолданова Батима
Электронды пошта: gulstan08@mail.ru, Gulzar08@mail.ru,
|
